छत्रपती संभाजीनगर जिल्हयाकरिता दिनांक २८ जुन ते ०२ जुलै २०२५ साठी हवामान अंदाज व कृषिहवामान सल्ला

 प्रादेशिक हवामान केंद्र, मुंबई येथून प्राप्त झालेल्या अंदाजानूसार छत्रपती संभाजीनगर जिल्हयात पुढील पाच दिवसात हवामान ढगाळ राहून तुरळक ठिकाणी हलक्या ते मध्यम स्वरूपाच्या पावसाची शक्यता आहे. तसेच कमाल तापमान २९.० ते ३१.० अंश सेल्सिअस आणि किमान तापमान २२.० ते २३.० अंश सेल्सिअस दरम्यान राहील व सापेक्ष आर्द्रता ८० ते ९२ टक्के राहील तर वाऱ्याचा वेग १५ ते २१ किमी/तास राहण्याची शक्यता आहे.

सतर्कता : छत्रपती संभाजीनगर जिल्ह्यात दि. २७ जून २०२५ रोजी तुरळक ठिकाणी वादळीवारा, विजेच्या कडाकडाटासह हलक्या ते मध्यम स्वरुपाच्या पावसाची शक्यता असुन वा-याचा वेग जास्त (३० ते ४० किमी/तास) राहील.

विस्तारित अंदाजानुसार (ईआरएफएस) छत्रपती संभाजीनगर जिल्हयात दि. ०२ ते ०८ जुलै २०२५ दरम्यान हवामान ढगाळ राहील. तसेच पर्जन्यमान सरासरीऐवढे तर कमाल तापमान सरासरीपेक्षा कमी व किमान तापमान सरासरीऐवढे राहण्याची शक्यता आहे.

 कृषि हवामान सल्ला

ऊस

पुर्वमशागत व वाणांची निवड

आडसाली ऊस लागवडीसाठी पूर्वमशागतीचे कामे पूर्ण करूंन रान बांधणी व आखणी करून घ्यावी. आडसाली ऊस लागवडीसाठी को-८६०३२, कोएम-०२६५, व्हीएसआय-८००५ या सुधारित जातीची निवड करावी.

कापूस

पेरणी ते रोप अवस्था

कापुस पिकामध्ये झाडांची संख्या योग्य राखण्यासाठी तुट भरावी. तसेच कापुस पिकाची लागवड झाली नसल्यास जमिनीमध्ये पुरेशा ओलावा व वापसा बघुन बीजप्रक्रिया करूनच लागवड करावी.

मका

पेरणी ते रोप अवस्था

मका पिकामध्ये झाडांची संख्या योग्य राखण्यासाठी तुट भरावी. तसेच मका पिकाची लागवड/पेरणी झाली नसल्यास जमिनीमध्ये पुरेशा ओलावा व वापसा बघुन बीजप्रक्रिया करूनच लागवड करावी.

तूर

पेरणी ते रोप अवस्था

तुर पिकामध्ये झाडांची संख्या योग्य राखण्यासाठी तुट भरावी.तसेच तुर पिकाची लागवड/पेरणी झाली नसल्यास जमिनीमध्ये पुरेशा ओलावा व वापसा बघुन बीजप्रक्रिया करूनच लागवड/पेरणी करावी.

मूग/उडीद

पेरणी ते रोप अवस्था

मुग/उडीद पिकाची पेरणी झाली नसल्यास जमिनीमध्ये वापसा असताना या आठवड्यामध्ये पेरणी पुर्ण करावी.

आंबा

वाढीची अवस्था

आंबा फळपिकांमध्ये जमिनीची सुपीकता व उत्पादनात वाढ होण्याकरीता हिरवळीच्या (ज्यूट, बरू आणि ढेंचा) पिकांची पेरणी करावी.

भाजीपाला

पुर्नलागवड/ फुलधारणा ते फळधारणा

टोमॅटोची रोपे लावताना टोमॅटो पिकाच्या बाजूने ने व टोमॅटोच्या १६ ओळींनंतर एक ओळ झेंडूची लावावी त्यामुळे फळ पोखरणारी अळी झेंडूकडे आकर्षित होऊन पिकाचे रक्षण होते.

टोमॅटो पिकावर शेंडा व फळ पोखरणाऱ्या अळीचा प्रादुर्भाव दिसुन येत असुन याच्या व्यवस्थापनासाठी  ५ टक्के निंबोळी अर्काची फवारणी करावी जर प्रादुर्भाव जास्त असल्यास सायपरमेथ्रीन १० टक्के ई.सी.०६ मिली किंवा डेल्टामेथ्रीन २.८ टक्के ई.सी. १० मिली किंवा इमामेक्टिन बेन्झोएट ५ टक्के एस सी ०३ ग्रॅम प्रति १० लिटर पाण्यात मिसळून स्वच्छ वातावरणात फवारणी करावी. 

पशुसंवर्धन

पशुपालकांनी आपल्या जनावरांच्या असणारे बाह्य परजीवींचे (गोचीड, डास, गोमाशी इत्यादी) नियंत्रण करावे. पावसामुळे गोठ्यात पाणी साचून राहिल्यास जनावरांमध्ये रोग वाढण्याची शक्यता जास्त असते त्यामुळे पशुपालकांनी गोठा सर्व बाजूने समतोल करून पाणी साठून राहणार नाही याची काळजी घ्यावी.

इतर

आगामी काळातील पिकांवरील किड व किटकांच्या प्रतिबंधात्मक व्यवस्थापनासाठी लागणारे निंबोळी अर्क तयार करण्यासाठी शेतकरी बांधवानी कडुलिंबाच्या निंबोळयांची साल व गर काढुन त्याच्या बिया वाळवुन, सुरक्षित ठिकाणी साठवून ठेवाव्यात.

सदर कृषि सल्लापत्रिका वसंतराव नाईक मराठवाडा कृषि विदयापीठ, परभणी अंतर्गत असलेल्या जिल्हा कृषि हवामान केंद्र (DAMU), कृषि विज्ञान केंद्र, छत्रपती संभाजीनगर-१ येथील तज्ञ समितीच्या शिफारशी वरून तयार करून प्रसारित करण्यात आलेली आहे.