छत्रपती संभाजीनगर जिल्हयाकरिता दिनांक १३ ते १७ सप्टेंबर २०२५ साठी हवामान अंदाज व कृषिहवामान सल्ला

 

प्रादेशिक हवामान केंद्र, मुंबई येथून प्राप्त झालेल्या अंदाजानूसार छत्रपती संभाजीनगर जिल्हयात पुढील पाच दिवसात हवामान ढगाळ राहून तुरळक ठिकाणी हलक्या ते मध्यम स्वरुपाच्या पावसाची शक्यता आहे. तसेच कमाल तापमान २७.० ते २९.० अंश सेल्सिअस आणि किमान तापमान २२.० ते २३.० अंश सेल्सिअस दरम्यान राहील व सापेक्ष आर्द्रता ६३ ते ८९ टक्के राहील तर वाऱ्याचा वेग १० ते १२ किमी/तास राहण्याची शक्यता आहे.

सतर्कता : छत्रपती संभाजीनगर जिल्ह्यात दि. १४ सप्टेंबर २०२५ रोजी तुरळक ठिकाणी वादळीवारा, विजेच्या कडाकडाटासह हलक्या ते मध्यम तर दि. १५ सप्टेंबर २०२५ रोजी जोरदार  स्वरुपाच्या पावसाची शक्यता असुन वा-याचा वेग जास्त (३० ते ४० किमी/तास) राहील.

विस्तारित अंदाजानुसार (ईआरएफएस) छत्रपती संभाजीनगर जिल्हयात दि. १७ ते २३ सप्टेंबर २०२५ दरम्यान आकाश ढगाळ राहील. तसेच पर्जन्यमान सरासरीपेक्षा अधिक तर कमाल तापमान व किमान तापमान सरासरीऐवढे राहण्याची शक्यता आहे. 

 कृषि हवामान सल्ला

ऊस

वाढीची अवस्था

ऊस पीकामध्ये तण व्यवस्थापनाची कामे करुन घ्यावीत. तसेच ऊस पिकामध्ये हुमणी अळीचा प्रादुर्भाव दिसून येत असुन याच्या व्यवस्थापनासाठी फिप्रोनील ४० टक्के + इमिडाक्लोप्रिड ४० टक्के डब्ल्युजी १५० ग्रॅम आणि डेल्टामेथ्रीन १०० इसी ११ टक्के २५० मिली प्रति एकर पाण्यात मिसळुन आळवणी करावी.

कापूस

पाते लागणे ते बोंड धरणे

कापुस पीकावरील गुलाबी/शेंदरी बोंडअळीच्या प्रादूर्भावावर लक्ष ठेवावे. त्यासाठी प्रति हेक्टरी ५ कामगंध सापळे लावावेत. कापुस पिकातील डोमकळया दिसल्यास वेचून नष्ट कराव्यात. तसेच मागील आठवडयातील ढगाळ वातावरणामुळे कापुस पिकावर रस शोषण करणाऱ्या किडींचा (मावा, फुलकिडे, पांढरी माशी) प्रादूर्भाव दिसून येत असुन याच्या व्यवस्थापनासाठी असीटामिप्रीड २० टक्के ३० ग्रॅम किंवा थायमिथॉक्झाम २५ टक्के ४० ग्रॅम किंवा फलोनिकॅनीड ५० टक्के ६० ग्रॅम प्रति एकर पावसाची उघाड बघुन स्वच्छ वातावरणात फवारणी करावी.

मका

दाणे भरणे ते कणसे वाढीची अवस्था

मागील आठवड्यातील ढगाळ वातावरणामुळे मका पिकावरील लष्करी अळीचा प्रादुर्भाव दिसून येत असून  व्यवस्थापनासाठी इमामेक्टीन बेन्झोएट ५ टक्के एसजी ४ ग्रॅम किंवा स्पिनेटोरम ११.७ एससी ४ मिली किंवा क्लोरॅनट्रानिलीप्रोल १८.५ टक्के एससी ४ मिली प्रति १० लिटर पाण्यात मिसळून पावसाची उघाड बघून स्वच्छ वातावरणात फवारणी करावी. फवारणी करत असताना किटकनाशक पोंग्यात पडेल अशाप्रकारे फवारणी करावी.

तूर

फांद्या लागणे अवस्था

मागील आठवडयातील ढगाळ वातावरण व वाढलेली आर्द्रता यामुळे तुर पीकामध्ये पाने गुंडाळणा-या अळीचा प्रादूर्भाव प्रादुर्भाव दिसुन येत असुन याच्या व्यवस्थापनासाठी इमामेक्टीन बेन्झोएट ५ टक्के एसजी किंवा थायामेथोक्साम २५ टक्के डब्ल्युजी  ४ - ५ ग्रॅम प्रति १० लिटर पाण्यात मिसळुन पावसाची उघाड बघून स्वच्छ वातावरणात फवारणी करावी.

सिताफळ

फळवाढीची अवस्था

काढणीस तयार असलेल्या सिताफळांची काढणी करुन घ्यावीत. काढणीनंतर सिताफळ प्रतवारी करुन बाजारपेठेत विक्रीस पाठवावीत. तसेच सिताफळ बागेत पिठ्या ढेकूण या किडीचा प्रादुर्भाव दिसून येत असल्यास बागेत झाडांच्या बुध्यां भोतवतालच्या तणांचे व्यवस्थापन करावे तसेच व्हर्टिसिलियम लिकॅनी ४० ग्रॅम प्रति १० लिटर पाण्यात मिसळून पावसाची उघाड बघून स्वच्छ वातावरणात फवारणी करावी.

भाजीपाला

फळधारणा ते फळवाढीची अवस्था

भाजीपाला पीकाच्या चांगल्या वाढीसाठी १९:१९:१९ विद्राव्य खताची २.५ किलो प्रतिएकर याप्रमाणात आळवणी करावी. तसेच टोमॅटो, मिरची व वांगी पीकांमध्ये शेंडा व फळे पोखरणारी अळीचा प्रादूर्भाव दिसून येत असुन याच्या व्यवस्थापनासाठी फ्लुबेंडायमाईड ३९.३५ टक्के एससी २५ मिली प्रति १० लीटर पाण्यात मिसळून पावसाची उघाड बघून स्वच्छ वातावरणात फवारणी करावी.

पशुसंवर्धन

छत्रपती संभाजीनगर जिल्ह्यात दि. १५ सप्टेंबर २०२५ रोजी जोरदार पावसाची शक्यता असल्यामुळे शेतकरी बांधवांनी जनावरांना पाऊस चालू असतांना बाहेर चरावयास नेणे टाळावे व पशुधनास सुरक्षित ठिकाणी बांधावे. सद्यस्थितीत दुधाळ जनावरांना दुध वाढीकरीता संतुलित आहार व मिनरल ‍मिक्सर द्यावे. तसेच जनावरांना चरतांना जखमा झालेल्या असतील तर त्या १ टक्के पोटॅशियम परमॅग्नेटच्या द्रावणाने स्वच्छ धूवुन घ्याव्यात व गरज पडल्यास पशुवैद्यकाचा सल्ला घ्यावा.

इतर

छत्रपती संभाजीनगर जिल्ह्यात दि. १४ व १५ सप्टेंबर २०२५ रोजी तुरळक ठिकाणी वादळीवारा, विजेच्या कडाकडाटासह हलक्या ते जोरदार स्वरुपाच्या पावसाची शक्यता असुन शेतकरी बांधवांनी पीकांमध्ये व फळबागेतील साचलेल्या पाण्याचा निचरा करावा  व पीकात पाणी साचणार नाही याची दक्षता घ्यावी तसेच पाऊस चालू असतांना शेतात जाणे टाळावे.

शेतक-यांनी ‍पिकांमधील किड व किटकांची आर्थिक नुकसानीची पातळी ओळखण्यासाठी शेतामध्ये लावलेल्या कामगंध सापळ्यांचे नियमित सर्वेक्षण करावे. सर्वेक्षणादरम्यान सापळ्यामध्ये ८ किंवा त्यापेक्षा अधिक नर पतंग सलग दोन ते तीन दिवस आढळल्यास त्यानुसार किडनियंत्रणासाठी उपाययोजना कराव्यात.

सदर कृषि सल्लापत्रिका वसंतराव नाईक मराठवाडा कृषि विदयापीठ, परभणी अंतर्गत असलेल्या जिल्हा कृषि हवामान केंद्र (DAMU), कृषि विज्ञान केंद्र, छत्रपती संभाजीनगर-१ येथील तज्ञ समितीच्या शिफारशी वरून तयार करून प्रसारित करण्यात आलेली आहे.